அட்லீ இயக்கும் படத்தில் சல்மான்கான், கமல்ஹாசன் நடிக்கிறார்கள்
‘ராஜா ராணி’ படத்தின் மூலமாக தமிழ் சினிமாவிற்கு இயக்குனராக அறிமுகமானவர் அட்லீ. இந்த படம் மக்களிடையே நல்ல வரவேற்பை பெற்றது.
அதைத்தொடர்ந்து விஜய் நடிப்பில் ‘தெறி’, ‘மெர்சல்’ மற்றும் ‘பிகில்’ என மூன்று பிளாக்பஸ்டர் படங்களையும் இயக்கினார்.. அடுத்ததாக 2023-ம் ஆண்டு ஷாருக்கான் நடித்து வெளியான ‘ஜவான்’ படத்தை இயக்கினார்.
தற்போது, அட்லீயின் 6-வது படத்தில் இந்தியாவின் இரண்டு பெரிய சூப்பர் ஸ்டார்களான சல்மான் கான் மற்றும் கமல்ஹாசன் ஆகியோரை வைத்து ஒரு புதிய திரைப்படத்தை இயக்க உள்ளார்.
இந்த படத்தின் படப்பிடிப்பு அடுத்த ஆண்டு தொடங்க உள்ளது. பெயரிடப்படாத இப்படத்தை முன்னணி தயாரிப்பு நிறுவனமான சன் பிக்சர்ஸ் தயாரிக்கவுள்ளது. ‘ஜவான்’ படத்தின் வெற்றியை தொடர்ந்து இப்படத்திற்கும் அனிருத் இசையமைக்க உள்ளார்.
கமல்ஹாசன் தொடர்ச்சியாக இளம் இயக்குனர்களுடன் கை கோர்த்து பான் இந்தியா படங்களில் நடிக்க கவனம் செலுத்தி வருகிறார். ‘விக்ரம், கல்கி 2898 ஏடி’ படங்களை தொடர்ந்து அவர் அடுத்ததாக அட்லி உடன் இணையவுள்ளதாக தகவல் வெளியாகி உள்ளது.
