ஒரு வாரமாக தண்ணீர் இல்லை: கோவில்பட்டி அரசு கல்லூரி மாணவ, மாணவிகள் வகுப்புகளை புறக்கணித்து ஆர்ப்பாட்டம்

கோவில்பட்டி கிருஷ்ணா நகரில் அரசு கலை மற்றும் அறிவியல் கல்லூரி செயல்பட்டு வருகிறது. கோவில்பட்டி மற்றும் சுற்றுப்புற கிராம மக்களுக்கு பெரும் உதவியாக இருக்கும் இந்த கல்லூரியில் அவ்வப்போது அடிப்படை வசதிகளில் குறை ஏற்பட்டு வருகிறது.

தற்போது  மோட்டர்கள் பழுது காரணமாக கடந்த ஒரு வாரமாக தண்ணீர் இல்லை. இதனால் குடிப்பதற்கு தண்ணீர் கிடைக்காமல் மாணவ – மாணவிகள் பெரிதும் அவதிப்பட்டு வருகின்றனர்.

மேலும் கழிவறைகளில் தண்ணீர் பயன்பாடு இல்லாததால் அசுத்தமாக காட்சி அளிக்கிறது,. எனவே உடனடியாக மோட்டார்களை சரி செய்து தண்ணீர் வழங்க வேண்டும் என்பதனை வலியுறுத்தி மாணவ, மாணவிகள்  இன்று பகலில் வகுப்புகளை புறக்கணித்து  விட்டு கல்லூரி முன்பு அமர்ந்து ஆர்ப்பாட்டத்தில் ஈடுபட்டனர்,

உடனடியாக கல்லூரி நிர்வாகத்தினர் அவர்களுடன் பேச்சு நடத்தி சமரசம் செய்தனர்,. இதை தொடர்ந்து மாணவர்கள் போராட்டம் வாபஸ் பெறப்பட்டது.