தூத்துக்குடியில் தந்தையை குத்திக்கொன்ற மகன் கைது

தூத்துக்குடி பாத்திமா நகர் 6வது தெருவைச் சேர்ந்தவர் ராஜ் (வயது 56), மீன்பிடித் தொழில் செய்து வந்தார். இவருக்கு மனைவியும் 2 மகன்கள் 1 மகள் உள்ளனர். இவரது 2வது மகன் ஜேம்ஸ் (33), திருமணம் ஆகி மனைவியுடன் அண்ணாநகர் 6வது தெருவில் குடியிருந்து வருகிறார். 

ஜேம்ஸ் அடிக்கடி குடித்துவிட்டு பெற்றோரிடம் பிரச்சினை செய்து வந்தார். இதனால் பெற்றோர் தனியாக 1ம் கேட் பகுதியில் தனியாக குடியிருந்து வந்தனர், அங்கு சென்றும் மகன் தகராறு செய்ததால் அங்கிருந்து  6 மாதத்திற்கு முன்பு மகிழ்ச்சிபுரம் பகுதியில் குடியேறினார்கள்.

இந்நிலையில் கடந்த 2 நாட்களுக்கு முன்பு மகிழ்ச்சிபுரம் சென்ற மகன் ஜேம்ஸ், தனது தந்தை ராஜிடம் தகராறு செய்துவிட்டு சென்றார். இந்த நிலையில்  நேற்று இரவு  டூவீலரில் வந்து கொண்டிருந்த தந்தை ராஜை வழிமறித்து தகராறு செய்து கத்தியால் சரமாரியாக ஜேம்ஸ் குத்தினார்.. இதில் பலத்த காயம் அடைந்த ராஜ் சம்பவ இடத்திலேயே பரிதாபமாக இறந்தார். 

இதுகுறித்து தகவல் அறிந்த சிப்காட் போலீஸ்  இன்ஸ்பெக்டர் சைரஸ் சம்பவ இடத்திற்கு சென்று இறந்துபோன ராஜ்  உடலை கைப்பற்றி பரிசோதனைக்காக தூத்துக்குடி அரசு  மருத்துவமனைக்கு அனுப்பி வைத்தார்.

இது சம்பந்தமாக கொலை வழக்கு பதிவு செய்து அவரது மகன் ஜேம்சை கைது செய்து விசாரணை நடத்தி வருகிறார்.