• April 6, 2025

எட்டயபுரம் அருகே பள்ளத்தில் கார் கவிழ்ந்து தாய்-மகன் பலி; 6 பேர் படுகாயம்  

 எட்டயபுரம் அருகே பள்ளத்தில் கார் கவிழ்ந்து தாய்-மகன் பலி; 6 பேர் படுகாயம்  

விபத்தில் சேதம் அடைந்த கார்

சேலம் சூரமங்கலத்தை சேர்ந்த சித்தன் மகன் ராஜ்குமார் (வயது 35). மொபைல் சர்வீஸ் சென்டரில் வேலை பார்த்து வருகிறார். இவர் தனது மனைவி தமிழரசி (26), மகன் அஸ்வரதன் (5) மற்றும் குடும்பத்தினர், உறவினர்களுடன் ஒரு காரில் நேற்று இரவு  திருச்செந்தூர் கோவிலுக்கு புறப்பட்டு வந்தார். காரை ராஜ்குமார் ஓட்டினார்.

]இன்று அதிகாலை மதுரை-தூத்துக்குடி தேசிய நெடுஞ்சாலையில் எட்டயபுரம் அருகே உள்ள துரைச்சாமிபுரம் விலக்கு பகுதியில் கார் வந்தபோது எதிர்பாராத விதமாக சாலையோர பள்ளத்தில் கவிழ்ந்து விபத்தில் சிக்கியது.

 இதில் காரில் இருந்த  ராஜ்குமாரின் மனைவி தமிழரசி, அவரது மகன் அஸ்வரதன் ஆகிய இருவரும் பலத்த காயம் அடைந்து சம்பவ இடத்திலயே இறந்து போனார்கள்.

மேலும் காரில் இருந்த  அண்ணாமலை மனைவி விஜயா (60) செல்வராஜ் மனைவி தாமரைச் செல்வி என்ற சந்தியா (31), மகன் சபரீசன் (12), சித்தன் மகள் சுமதி (46), கோவிந்தராஜ் மகள் ரம்யா (12), காரை ஓட்டி வந்த  ராஜ்குமார் (35) ஆகியா 6 பேர்  படுகாயமடைந்தனர்.

விபத்து குறித்து தகவல் அறிந்த எட்டயபுரம் சப்-இன்ஸ்பெக்டர் மாதவராஜா மற்றும் போலீசார் சம்பவ இடத்திற்கு விரைந்து சென்றனர். அவர்கள் விபத்தில் காயமடைந்தவர்களை மீட்டு எட்டயபுரம் அரசு மருத்துவமனைக்கு அனுப்பி வைத்தனர்.

இறந்துபோன இருவர் உடலையும் மீட்டு பிரேத பரிசோதனைக்காக  அனுப்பி வைத்தனர். காரில் இருந்த பொருட்கள் சிதறி கிடந்தன, அவற்றை போலீசார் சேகரித்து உரியவர்களிடம் ஒப்படைக்க பாதுகாப்பாக வைத்தனர். விபத்தில் சிக்கிய கார் , போலீஸ் நிலையம் கொண்டு செல்லப்பட்டது. விபத்து குறித்து எட்டயபுரம் போலீசார் வழக்குப்பதிவு செய்து விசாரணை நடத்தி வருகின்றனர்.

Digiqole Ad

Related post

Leave a Reply

Your email address will not be published. Required fields are marked *