ஒரு பவுன் ரூ.60 ஆயிரத்தை கடந்த தங்கம் விலை

தங்கம் விலையில் ஏற்ற, இறக்கம் தொடருகிறது. கடந்த மாதம் (டிசம்பர்) 26, 27-ம் தேதிகளில் விலை அதிகரித்து, பின்னர் விலை குறைந்த தங்கம், இந்த மாதம் தொடக்கத்தில் இருந்து மீண்டும் ஏறுமுகத்தில் காணப்பட்டது. கடந்த 3-ந்தேதி தங்கம் விலை பவுனுக்கு ரூ.640 அதிரடியாக உயர்ந்த நிலையில், மறுநாள் ரூ.360 குறைந்தது.

அதனை தொடர்ந்து தங்கம் விலை ஏற்ற, இறக்கத்துடன் காணப்பட்டு வருகிறது. நேற்று முன்தினம் தங்கம் விலை மாற்றம் இன்றி ஒரு பவுன் ரூ.59,600-க்கு விற்பனை செய்யப்பட்டது. இந்த நிலையில் நேற்று  தங்கம் விலை அதிரடியாக உயர்ந்து ஒரு சவரன் ரூ.60 ஆயிரத்தை கடந்தது.

அதன்படி சென்னையில் 22 கேரட் ஆபரணத் தங்கத்தின் விலை நேற்று பவுனுக்கு ரூ.600 உயர்ந்து ரூ.60,200-க்கு விற்பனை செய்யப்பட்டது. தங்கம் விலை கிராமுக்கு ரூ.75 உயர்ந்து ரூ.7,525-க்கு விற்பனை ஆனது,.  வெள்ளி விலை எவ்வித மாற்றம் இன்றி ஒரு கிராம் ரூ.104-க்கு விற்பனை செய்யப்பட்டது.

கோவில்பட்டியிலும் இதே போல் நேற்று முன்தினம் ஒரு கிராம் தங்கம் ரூ.7,450 விலையில் விற்கப்பட்டது. நேற்று ஒரு கிராம் ரூ.7,525-க்கும், ஒரு பவுன் ரூ.60,200-க்கும் விற்பனை செய்யப்பட்டது