உண்மையான சினிமா இதுதான்: சொர்க்கவாசல் படத்தை பாராட்டிய செல்வராகவன்
ஆர்.ஜே.பாலாஜி நடிப்பில் அறிமுக இயக்குநர் சித்தார்த் விஸ்வநாத் இயக்கத்தில் உருவாகியிருக்கும் திரைப்படம் ‘சொர்க்கவாசல்’. ஸ்வைப் ரைட் ஸ்டுடியோஸ் மற்றும் திங்க் ஸ்டுடியோஸ் இணைந்து தயாரித்துள்ள இப்படத்திற்கு கிறிஸ்டோ சேவியர் இசையமைத்துள்ளார். இப்படத்தில் செல்வராகவன், நட்டி, சானியா ஐயப்பன், பாலாஜி சக்திவேல், கருணாஸ், ஹக்கீம் ஷா உள்ளிட்ட பலர் முக்கிய கதாபாத்திரங்களில் நடித்துள்ளனர்.
தணிக்கை குழுவால் ஏ சான்றிதழ் பெற்ற இப்படம் திரையரங்குகளில் நேற்று வெளியான நிலையில், படத்திற்கு பாசிட்டிவ் விமர்சனங்கள் சமூக வலைத்தளங்களில் எழுந்து வருகிறது. இந்நிலையில் செல்வராகவன் தற்போது சொர்க்கவாசல் படத்தை பாராட்டியுள்ளார்.
இது தொடர்பாக செல்வராகவன் எக்ஸ் பதிவில், “சொர்க்கவாசல் படத்தில் இணைந்து நடித்ததில் நான் மிகவும் பெருமைப்படுகிறேன். எளிமையாக சொல்ல வேண்டுமென்றால் மனதை கவரும் படமாக உள்ளது. நான் எப்போதுமே பேசி கொண்டிருக்கும் உண்மையான சினிமா இதுதான். படத்தை நான் பொக்கிஷம் என்றுதான் சொல்லுவேன். தமிழ் சினிமாவில் இதுபோன்ற நிறைய படங்கள் வர வேண்டும். என்று படத்தை புகழ்ந்துள்ளார்.
