புஷ்பா-2 திரைப்படத்தின் புதிய ரிலீஸ் தேதி அறிவுப்பு
தெலுங்கு நடிகர் அல்லு அர்ஜுன் நடிப்பில் சுகுமார் இயக்கத்தில் கடந்த 2021-ம் ஆண்டு டிசம்பர் 18-ம் தேதி வெளியான திரைப்படம் ‘புஷ்பா’. இந்த திரைப்படம் தமிழ், தெலுங்கு, இந்தி மற்றும் கன்னடம் ஆகிய மொழிகளில் பான் இந்தியா திரைப்படமாக வெளியானது. கிட்டத்தட்ட ரூ. 350 கோடி மேல் இந்த திரைப்படம் வசூலித்ததாக தகவல்கள் வெளியாகின.
இதனையடுத்து, இந்த திரைப்படத்தின் இரண்டாம் பாகம் மிக பிரம்மாண்டமாக உருவாகி வருகிறது. இத்திரைப்படத்திற்கு ‘புஷ்பா 2 தி ரூல்’ என பெயரிடப்பட்டுள்ளது. இந்த திரைப்படத்திற்கு தேவி ஸ்ரீ பிரசாத் இசையமைக்கிறார்.
முன்னதாக இத்திரைப்படத்தை ஆகஸ்ட்15-ம் தேதி வெளியிட படகுழு முடிவு செய்திருந்த நிலையில், படத்தின் இறுதி கட்ட பணிகள் முடிவடையாததால், திரைப்படத்தின் ரிலீஸ் தேதி டிசம்பர் 6-ம் தேதிக்கு ஒத்தி வைக்கப்பட்டது.
இந்நிலையில், மீண்டும் ‘புஷ்பா 2’ திரைப்படத்தின் வெளியீட்டு தேதியை படகுழுவினர் மாற்றியுள்ளனர். அதன்படி டிசம்பர் 5-ம் தேதி இந்த திரைப்படம் உலகளவில் வெளியாகும் என படகுழு தனது எக்ஸ் வலைதள பக்கத்தில் அறிவித்துள்ளது.
