படக்குழுவினருடன் விஜய் பார்த்த `தி கோட்’ – அஜித் வாழ்த்து
இயக்குனர் வெங்கட்பிரபு இயக்கத்தில் நடிகர் விஜய் , ‘தி கிரேட்டஸ்ட் ஆப் ஆல் டைம்’ (தி கோட்) படத்தில் இரட்டை வேடத்தில் நடித்துள்ளார். ஏ.ஜி.எஸ். நிறுவனம் தயாரித்துள்ள இப்படத்தில் பிரசாந்த், பிரபுதேவா, யோகிபாபு, சினேகா, லைலா, மீனாட்சி சவுத்ரி உள்பட பலர் முக்கிய கதாபாத்திரத்தில் நடித்துள்ளனர். இப்படத்திற்கு யுவன் சங்கர் ராஜா இசையமைத்துள்ளார்
சமீபத்தில் வெளியான படத்தின் டிரெய்லரில் டிஏஜிங் தொழில்நுட்பம் மூலம் விஜய் இளம் வயதில் தோன்றும் காட்சிகள் உள்ளன, இந்த படத்தில் விஜய் இரட்டை வேடத்தில் நடித்துள்ளார். மேலும், இப்படத்தில் கேமியோ கதாப்பாத்திரத்தில் மறைந்த நடிகரும் தேமுதிக அரசியல் கட்சியின் தலைவருமான விஜயகாந்தின் ஏஐ தோற்றத்தை படக்குழுவினர் உபயோகித்திருக்கின்றனர்
, பெரும் எதிர்பார்ப்புக்கு மத்தியில் ‘தி கோட்’ திரைப்படம் நேற்று திரையரங்குகளில் வெளியாகியது. , நடிகர் விஜய் ‘தி கோட்’ படத்தினை குடும்பம் மற்றும் படக்குழுவினருடன் இணைந்து பார்த்துள்ளார். அவருடன் இயக்குனர் வெங்கட் பிரபு மற்றும் யுவன் சங்கர் ராஜா ஆகியோர் இணைந்து படத்தினை பார்த்தனர்.
பின்னர் விஜய், படம் சிறப்பாக அமைந்ததற்காக இயக்குனர் வெங்கட் பிரபு மற்றும் யுவன் சங்கர் ராஜாவை வெகுவாக பாராட்டியுள்ளார். இந்த புகைப்படம் இணையத்தில் பரவி வைரலாகி வருகிறது.
மேலும் திரிஷா, கீர்த்தி சுரேஷ், சிவகார்த்திகேயன் உள்ளிட்ட சினிமா பிரபலங்கள் படத்தின் முதல் காட்சியை திரையரங்குகளுக்கு நேரில் சென்று ரசிகர்களுடன் பார்த்தனர்.
இந்த நிலையில், கோட் திரைப்படம் வெற்றியடைய நடிகர் அஜித் வாழ்த்து தெரிவித்துள்ளார். இது தொடர்பாக வெங்கட் பிரபு வெளியிட்டுள்ள தனது எக்ஸ் தள பதிவில் நன்றி தல அஜித் . விஜய் அண்ணாவுக்கு, எனக்கு மற்றும் ‘கோட்’ படக் குழுவினருக்கு முதல் ஆளாக வாழ்த்து தெரிவித்ததற்கு.. நாங்கள் அனைவரும் உங்களை நேசிக்கிறோம்” என்று தெரிவித்துள்ளார்.
