கோல்டன் விசா: கமல்ஹாசனை கவுரவப்படுத்திய அமீரகம்
ஐக்கிய அரபு அமீரகம் அரசு, இந்தியாவின் திரைத்துறையைச் சேர்ந்த பலருக்கு கோல்டன் விசா வழங்கி கவுரவித்து வருகிறது. அதன்படி, பாலிவுட் நடிகர்கள் சஞ்சய் தத், ஷாருக்கான், துஷார் கபூர், ஊர்வசி ரவுதலா உட்பட பலர் இந்த விசாவை பெற்றுள்ளனர்.
இதைத்தொடர்ந்து, தென்னிந்தியாவை சேர்ந்த மம்முட்டி, மோகன்லால், பிருத்விராஜ், துல்கர் சல்மான், பார்த்திபன், மீரா ஜாஸ்மின், த்ரிஷா, அமலா பால், லட்சுமி ராய், காஜல் அகர்வால், பிரணிதா, ஆண்ட்ரியா உட்பட பலருக்கு இந்த கோல்டன் விசா வழங்கப்பட்டுள்ளது. சமீபத்தில் நடிகர் விஜய் சேதுபதி, மீனா, வெங்கட் பிரபு, சரத்குமார் ஆகியோர் இந்த விசாவை பெற்றிருந்தனர்.
தற்போது கமல் ஹாசனுக்கு ஐக்கிய அரபு அமீரகம் கோல்டன் விசாவை வழங்கியுள்ளது. இது தொடர்பான புகைப்படங்கள் சமூகவலைத்தளத்தில் வெளியாகி வைரலாகி வருகிறது. இதனிடையே துபாய் வந்துள்ள ஒடிசா முதல்வர் நவீன் பட்நாயக்கை நடிகர் கமல்ஹாசன் நேரில் சந்தித்தது குறித்த புகைப்படங்கள் இணையத்தில் வெளியாகி வைரலானது.