தங்கம் விலை பவுனுக்கு ரூ.1,280 குறைந்தது

தங்கம் விலை கடந்த மாதத்தில் (மார்ச்) இருந்து பெரும்பாலான நாட்கள் விலை ஏற்றத்திலேயே இருக்கிறது. அதன் தொடர்ச்சியாக கடந்த ஒரு வாரமாக தங்கம் விலை ஏறுமுகத்திலேயே உள்ளது. கடந்த மாதம் 25-ந் தேதி வரை விலை குறைந்து வந்த நிலையில், 26-ந் தேதியில் இருந்து வேகமாக  விலை உயரத் தொடங்கியது.

கடந்த 28-ந் தேதியில் இருந்து தங்கம் விலை தொடர்ந்து உயர்ந்து வந்தது.. நேற்று ஒரு பவுனுக்கு  அதிரடியாக ரூ.400 அதிகரித்து ரூ.68,480-க்கும், ஒரு கிராம் ரூ.50 அதிகரித்து ரூ.8,560-க்கும் விற்பனை செய்யப்பட்டு வந்த நிலையில், இன்று அதிரடியாக குறைந்துள்ளது.

அதன்படி, கோவில்பட்டியில் இன்று 22 கேரட் ஆபரணத் தங்கத்தின் விலை பவுனுக்கு ரூ.1,280 குறைந்து ரூ.67,200 விற்பனையாகி வருகிறது. ஒரு கிராம் ரூ.160 குறைந்து ரூ.8,400-க்கு விற்பனை செய்யப்பட்டு வருகிறது.

அதேபோல, வெள்ளியின் விலையும் சரிவை சந்தித்துள்ளது. இன்று ஒரு கிராமுக்கு ரூ.4 குறைந்து ரூ.108-க்கும், ஒரு கிலோ ரூ.1 லட்சத்து 08 ஆயிரத்துக்கும் விற்பனை செய்யப்பட்டு வருகிறது.