அரசு புறம்போக்கு நிலத்தில் குடியிருப்போருக்கு இலவச வீட்டுமனை பட்டா வழங்ககோரி, கோவில்பட்டியில் இந்திய கம்யூனிஸ்ட் ஆர்ப்பாட்டம்

கோவில்பட்டி போஸ் நகர், சாஸ்திரி நகர் வடக்கு தெருவில் அரசு புறம்போக்கு நிலத்தில் கடந்த 30 ஆண்டுகளுக்கு மேலாக குடியிருந்து வரும் மக்களுக்கு இலவச வீட்டுமனை பட்டா வழங்க வலியுறுத்தி இந்திய கம்யூனிஸ்ட் கட்சி சார்பில் ஆர்ப்பாட்டம் நடந்தது.

வட்டாட்சியர் அலுவலகம் முன்பு நடந்த ஆர்ப்பாட்டத்துக்கு இந்திய கம்யூனிஸ்ட் நகர உதவிச் செயலாளர் முனியசாமி தலைமை வகித்தார். நகரச் செயலாளர் சரோஜா, மாவட்டக்குழு உறுப்பினர்கள் ப பரமராஜ்,வக்கீல் ரஞ்சனி கண்ணம்மா மற்றும் போஸ் நகர், சாஸ்திரி நகர் பகுதி மக்கள் திரளாக கலந்து கொண்டு வீட்டுமனை பட்டா கேட்டு கோஷமிட்டனர். தொடர்ந்து துணை வட்டாட்சியர் திரவியத்திடம் கோரிக்கை மனுவை வழங்கினர்.

இதே போல், இலுப்பையூரணி ஊராட்சி உட்பட்ட தாமஸ் நகர், மறவர் காலனி, பூரணம்மாள் காலனி பகுதியில் வசிக்கும் மக்களுக்கு இலவச வீட்டுமனை பட்டா வழங்க வலியுறுத்தி இந்திய கம்யூனிஸ்ட் கட்சி தாலுகா செயலாளர் பாபு தலைமையில் கிளை செயலாளர்கள் ரஞ்சிதம், பொன்மணி, மாரியப்பன் மற்றும் அப்பகுதி மக்கள் இலுப்பையூரணி கிராம நிர்வாக அலுவலர் செல்வகுமாரிடம் மனு வழங்கினர்.