• April 4, 2025

ரிலீசாகி 50 நாட்களை கடந்த`பயர்’ படத்துக்கு ரசிகர்கள் வரவேற்பு  

 ரிலீசாகி 50 நாட்களை கடந்த`பயர்’ படத்துக்கு ரசிகர்கள் வரவேற்பு  

‘தங்க மீன்கள்’ மூலம் ராம், ‘குற்றம் கடிதல்’ வாயிலாக பிரம்மா, ‘நடுவுல கொஞ்சம் பக்கத்த காணோம்’ ஊடக பாலாஜி தரணிதரன், ‘ரம்மி’ வாய்ப்பால் பாலகிருஷ்ணன் என பல்வேறு திறமைமிக்க இயக்குநர்கள் மற்றும் தொழில்நுட்பக் கலைஞர்கள் மீது வெளிச்சம் பாய்ச்சியவரும், ஜெ எஸ் கே பிலிம் கார்ப்பரேஷன் நிறுவனம் மூலம் தேசிய விருது பெற்ற வெற்றிப் படங்களை தயாரித்தவர் ஜெ எஸ் கே சதீஷ் குமார்,

‘தரமணி’ திரைப்படத்தில் நடிகராக சதீஷ் குமார் அறிமுகமாகி, ‘கபடதாரி’, ‘பிரெண்ட்ஷிப்’, ‘அநீதி’, ‘வாழை’ படங்களில் நடிகராகவும் தொடர்ந்து தன்னை வெளிப்படுத்தி வருகிறார்

தயாரிப்பாளர், நடிகர் என்று தொடர்ந்து இயக்குநர் அவதாரம் எடுத்த படம் தான் ‘பயர்’. பிப்ரவரி 14 அன்று திரையரங்குகளில் வெளியான் ‘பயர்’, 50 நாட்களைக் கடந்து வெற்றி நடை போட்டு வருகிறது.

பெரிய நட்சத்திரங்கள், இயக்குநர்களின் படங்களின் ஆயுட்காலமே ஒன்று அல்லது அதிகபட்சம் இரண்டு வாரங்கள் என ஆகிவிட்ட இந்த காலகட்டத்தில் ‘பயர்’ படத்தின்  வெற்றி ஜெ எஸ் கே மற்றும் படக்குழுவினரை மட்டுமின்றி ஒட்டுமொத்த தமிழ் திரையுலகத்தையே உற்சாகப்படுத்தி உள்ளது.

இந்த ஆண்டு சுமார் 80 படங்கள் இதுவரை வெளியாகியுள்ள நிலையில் ‘டிராகன்’, ‘குடும்பஸ்தன்’ உள்ளிட்ட வெகு சில திரைப்படங்களே லாபத்தை ஈட்டியுள்ளன. இந்நிலையில் பெரும்பாலும் புதுமுகங்கள் மற்றும் அறிமுக இயக்குநர் கூட்டணியில் உருவான ‘பயர்’ இத்தகைய வெற்றியை ஈட்டியுள்ளது கதையையும் திறமைகளையும் மட்டுமே நம்பி படமெடுக்கும் தயாரிப்பாளர்களுக்கும் இயக்குநர்களுக்கும் பெரும் நம்பிக்கையை ஊட்டி உள்ளது.

‘பயர்’ படத்தின் வெற்றியை தொடர்ந்து சதீஷ்குமார் கூறுகையில், ‘தரமான படங்களை தொடர்ந்து தயாரித்து இயக்குவதோடு மட்டுமில்லாமல், சவாலான வேடங்களில் தொடர்ந்து நடிப்பேன்,” என்றார்.

Digiqole Ad

Related post

Leave a Reply

Your email address will not be published. Required fields are marked *