சித்தார்த் நடித்த ”மிஸ் யூ” படத்தின் புதிய ரிலீஸ் தேதி அறிவிப்பு

செவன் மைல்ஸ் பெர் செகண்ட் நிறுவனம் சார்பில், சாமுவேல் மேத்யூ தயாரிப்பில், சித்தார்த், ஆஷிகா ரங்கநாத் நடிப்பில் தயாராகியுள்ள படம் ‘மிஸ் யூ’. இப்படத்தை ராஜசேகர் இயக்கியுள்ளார். ஜே.பி, பொன்வண்ணன், கருணாகரன், நரேன், அனுபமா, ரமா, பாலசரவணன், ‘லொள்ளு சபா’ மாறன், சஸ்டிகா உள்ளிட்ட பலரும் முக்கிய பாத்திரங்களில் நடித்துள்ளார்கள். ஜிப்ரான் இசையமைக்கும் இப்படத்தின் டிரெய்லர் மற்றும் இசை வெளியீட்டு விழா சமீபத்தில் நடைபெற்று முடிந்தது.

இப்படம் நவம்பர் 29-ம் தேதி திரையரங்குகளில் வெளியாகும் என அறிவிக்கப்பட்டது. ஆனால் அரசு விடுத்துள்ள புயல் எச்சரிக்கை காரணமாக படத்தின் வெளியீட்டை தற்காலிகமாக ஒத்திவைப்பதாக தயாரிப்பாளர் சாமுவேல் மேத்யூ சமீபத்தில் தெரிவித்திருந்தார். மேலும் புதிய வெளியீட்டு தேதி விரைவில் அறிவிக்கப்படும் என அவர் கூறிய நிலையில் தற்போது புதிய ரிலீஸ் தேதி வெளியாகியுள்ளது.

அதன்படி வருகிற 13-ம் தேதி திரையரங்குகளில் ”மிஸ் யூ” திரைபடம் வெளியாகும் என்று சாமுவேல் மேத்யூ தற்போது தெரிவித்துள்ளார். படத்தின் ஓடிடி உரிமையை அமேசான் பிரைம் நிறுவனம் வாங்கியுள்ளது குறிப்பிடத்தக்கது.