சீன மொழியில் வெளியாகும் விஜய் சேதுபதியின் `மகாராஜா’
இயக்குநர் நித்திலன் சாமிநாதன் இயக்கத்தில் நடிகர் விஜய் சேதுபதி நடித்த மகாராஜா திரைப்படம் ஜூன் மாதம் வெளியாகி ரசிகர்கள் மற்றும் விமர்சகர்களிடையே பெரிய வரவேற்பை பெற்றது. திரையரங்கு வெளியீட்டிலேயே இப்படம் ரூ.100 கோடிக்கும் அதிகமாக வசூலித்து வெற்றிப்படமானது. ஓடிடி வெளியீட்டிலும் இப்படம் நல்ல வரவேற்பை பெற்றது.
நெட்பிளிக்ஸ் தளத்தில் இந்தாண்டு வெளியான இந்திய படங்களிலேயே அதிகம் பார்க்கப்பட்ட படங்களில் மகாராஜா 2 கோடிக்கும் (20 மில்லியன்) அதிகமான பார்வைகளை பெற்று முதலிடத்தில் உள்ளது. மகாராஜா திரைப்படத்தை இந்தியில் ரீமேக் செய்யப்படவுள்ளதாகவும், நடிகர் அமீர் கான் நடிக்கவுள்ளதாகவும் தகவல்கள் வெளியாகின.
இந்நிலையில், மகாராஜா திரைப்படத்தை சீன மொழியில் டப்பிங் செய்து சீனாவில் வருகின்ற 29-ம் தேதி வெளியிடவுள்ளனர். இந்த படத்தை அலிபாபா குழுமம் வெளியிடவுள்ளதாக அறிவிக்கப்பட்டுள்ளது.
