கோவில்பட்டியில் வாக்காளர் பெயர் சேர்த்தல், திருத்தம் சிறப்பு முகாம் விழிப்புணர்வு பேரணி  

கோவில்பட்டியில் வாக்காளர் பெயர் சேர்த்தல், திருத்தம் சிறப்பு முகாமை முன்னிட்டு விழிப்புணர்வு மனித சங்கிலி மற்றும் பேரணி நடைபெற்றது,

அரசு மகளிர் மேல்நிலைப்பள்ளி  மாணவிகள்  மற்றும் உண்ணாமலை பொறியியல் கல்லூரி மாணவ- மாணவியர்கள் கலந்து கொண்டனர்.

கோவில்பட்டி பயணியர் விடுதி முன்பு இருந்து புறப்பட்ட பேரணியை, கோவில்பட்டி சட்டமன்ற தொகுதியின் வாக்காளர் பதிவு அலுவலரும்,வருவாய் கோட்டாட்சியருமான மகாலட்சுமி கொடியசைத்து தொடங்கி  வைத்தார்.

பேரணி மெயின்ரோடு, மாதாங்கோவில் ரோடு,எட்டையபுரம்ரோடு வழியாக கோவில்பட்டி கோட்டாட்சியர் அலுவலகத்தை வந்தடைந்தது. 

இப்பேரணியில் கோவில்பட்டி வட்டாட்சியர் சரவணபெருமாள், துணை வட்டாட்சியர் (தேர்தல் ) பொன்னம்மாள், துணை வட்டாட்சியர் திரவியம்,கோவில்பட்டி வருவாய் அலுவலர் ராமமூர்த்தி, கோவில்பட்டி கிராம நிர்வாக அலுவலர் கவிதா,பள்ளி மற்றும் கல்லுரி ஆசிரியர்கள் கலந்து கொண்டனர்