நயன்தாரா ஆவணப்படத்தின் டிரெய்லர் வெளியீடு

தமிழ் சினிமாவின் முன்னணி நடிகையாக வலம் வருபவர் நடிகை நயன்தாரா. தமிழ் மட்டுமின்றி மலையாளம், தெலுங்கு, இந்தி மொழிகளில் நடித்துள்ளார். இவர் நடிப்பில் கடைசியாக வெளியான ‘ஜவான்’ திரைப்படம் பாக்ஸ் ஆபிசில் கோடிகளை அள்ளி குவித்தது.

நயன்தாரா இயக்குநர் விக்னேஷ் சிவனை 2022-ம் ஆண்டு ஜூன் 9 தேதி திருமணம் செய்துகொண்டார். இவர்களின் திருமணம் மகாபலிபுரம் ஷெரட்டன் ரிசார்ட் ஹோட்டலில் விமர்சையாக நடைபெற்றது. இவர்களுடைய முழு திருமண நிகழ்ச்சியும் வீடியோவில் பதிவு செய்து ஓடிடி தளத்தில் வெளியானது. இந்த தம்பதிக்கு தற்போது உயிர் மற்றும் உலகம் ஆகிய 2 மகன்கள் உள்ளனர்.

இதற்கிடையே நயன்தாராவின் குழந்தை பருவம் முதல் இளம் வயதில் அவர் சந்தித்த வெற்றிகள், துயரங்கள், விக்னேஷ் சிவனுடனான காதல் திருமணம் வரை அனைத்தையும் ஆவணப்படமாக வெளியிடவுள்ளனர்.

‘நயன்தாரா பியாண்ட் தி பேரி டேல்’ என்ற தலைப்பில் உருவாகியுள்ள இந்த ஆவணப்படம் வெளியாவதில் 2 ஆண்டுகள் தாமதமான நிலையில், வரும் நவம்பர் 18-ம் தேதி நயன்தாராவின் பிறந்தநாளை முன்னிட்டு அவரது பிறந்தநாள் பரிசாக நெட்பிளிக்ஸ் நிறுவனம் இந்த ஆவண படத்தை வெளியிடவுள்ளது.
இந்நிலையில் இன்று ‘நயன்தாரா பியாண்ட் தி பேரி டேல்’ ஆவணப்படத்தின் டிரெய்லரை நெட்பிளிக்ஸ் நிறுவனம் இணையத்தில் வெளியிட்டுள்ளது.