344வது பிறந்தநாள்: வீரமாமுனிவர் சிலைக்கு மாலை அணிவித்து மரியாதை

தமிழ் வளர்த்த இத்தாலியப் பேரறிஞர் வீரமாமுனிவர்  344வது பிறந்தநாள் விழா நேற்று அரசு சார்பில் கொண்டாடப்பட்டது.

இதையொட்டி கோவில்பட்டி அருகே உள்ள காமநாயக்கன்பட்டியில் அமைந்துள்ள மணிமண்டபத்தில் உள்ள வீரமாமுனிவர் சிலைக்கு தமிழ்நாடு அரசின் சார்பில் சமூகநலன் மற்றும் மகளிர் உரிமைத்துறை அமைச்சர் கீதாஜீவன், மாவட்ட ஆட்சித்தலைவர் இளம்பகவத் ஆகியோர் மாலை அணிவித்து மரியாதை செலுத்தினர்.

விழாவில் கோவில்பட்டி வருவாய் கோட்டாட்சியர் மகாலட்சுமி, புனித பரலோக மாதா பசலிகா பங்கு தந்தை அந்தோணி குரூஸ், காமநாயக்கன்பட்டி ஊராட்சி மன்ற தலைவர் கலைச்செல்வி மற்றும் உள்ளாட்சி அமைப்புகளின் பிரதிநிதிகள்,சீர்மிகு பெருமக்கள் ஆகியோர் கலந்து கொண்டனர்