தமிழ்நாட்டுக்கு பெருமை சேர்த்திட வாழ்த்துகள் அஜித்குமார்: உதயநிதி ஸ்டாலின்

தமிழ் திரையுலகில் தனக்கென தனி இடத்தைப் பிடித்துள்ள நடிகர் அஜித், 15 ஆண்டுகளுக்கு பிறகு மீண்டும் கார் ரேசிங்கில் கலந்து கொள்ள உள்ளார்.இதன்படி துபாயில் நடைபெற உள்ள ஜி.டி.3 கோப்பை கார் பந்தய போட்டிகளில் அஜித் பங்கேற்க இருக்கிறார். இதற்காக, அஜித் பயிற்சி எடுக்கும் வீடியோ இணையத்தில் வைரலாகி வருகிறது.

இந்நிலையில் துபாயில் நடைபெற உள்ள ஜி.டி.3 கோப்பை கார் பந்தய போட்டிகளில் பங்கேற்க இருக்கும் அஜித்குமாருக்கு தமிழ்நாடு துணை முதல்-அமைச்சர் உதயநிதி ஸ்டாலின் தெரிவித்துள்ளார்.

இதுதொடர்பாக அவர் தனது எக்ஸ் வலைதளத்தில் கூறியிருப்பதாவது:-

உலக அளவில் சிறப்புக்குரிய 24எச் துபாய் 2025 & யூரோபியன் 24H சீரிஸ் சாம்பியன்ஷிப் – போர்ஸ் 992 ஜிடி3 கப் க்ளாஸ் (24H Dubai 2025 & The European 24H Series Championship – Porsche 992 GT3 Cup Class) கார் பந்தயத்தில் பங்கேற்கவுள்ள நடிகரும், நண்பருமான அஜித்குமார்-க்கு எங்களுடைய மனமார்ந்த வாழ்த்துகளை தெரிவித்து கொள்கிறோம்.

நம்முடைய தமிழ்நாடு ஸ்போர்ட்ஸ் [(@SportsTN_ (SDAT) Logo] லோகோ-வை அஜித்குமார் ரேசிங்’ யூனிட்டின், கார், ஹெல்மெட் மற்றும் பந்தயம் தொடர்பான உபகரணங்களில் காட்சிப்படுத்தப்பட்டுள்ளதை அறிந்து மட்டற்ற மகிழ்ச்சி அடைந்தோம்.

இதன்மூலம், தமிழ்நாடு விளையாட்டு மேம்பாட்டுத்துறையை உலக அரங்கில் பெருமைப்படுத்தி, ஊக்குவித்துள்ள அஜித் சாருக்கு தமிழ்நாடு ஸ்போர்ட்ஸ் (@SportsTN_) சார்பாக எங்களது நன்றியை தெரிவித்து கொள்கிறோம்.

மேலும், முதலமைச்சர் மு.க.ஸ்டாலின் தலைமையிலான நமது திராவிட மாடல் அரசு செயல்படுத்தி வரும் பல்வேறு மக்கள் நலத்திட்டங்கள் பார்முலா 4 சென்னை ரேசிங் ஸ்ட்ரீட் சர்க்யூட் (#Formula4 Chennai Racing Street Circuit) போன்ற முன்னெடுப்புகளை வாழ்த்திய அஜித்-க்கு எங்கள் அன்பும், நன்றியும்.

விளையாட்டுத்துறையில் தமிழ்நாட்டை உலக அரங்கில் உயர்த்திட ஒன்றிணைந்து செயல்படுவோம். கார்பந்தய போட்டியில் வென்று தமிழ்நாட்டுக்கு நீங்கள் பெருமை சேர்த்திட வாழ்த்துகள் அஜித். இவ்வாறு அதில் தெரிவிக்கப்பட்டுள்ளது.