புதிய மஞ்சள் வீரனாக கூல் சுரேஷ்: நீக்கப்பட்ட யூடியூபர் டிடிஎப் வாசன்
பைக்கில் பயணம் செய்து அதனை யூடியூபில் வீடியோவாக போட்டு பிரபலமானவர் டிடிஎப் வாசன். இவர் கதாநாயகனாக நடிப்பதாக அறிவிக்கப்பட்ட படம் ‘மஞ்சள் வீரன்’. இந்த படத்தை செல் அம் இயக்குகிறார். இவர் ஏற்கனவே ‘திருவிக பூங்கா’ என்கிற படத்தை இயக்கி இருக்கிறார். சமீபத்தில் இப்படத்தின் முதல் தோற்றமும் வெளியாகி வைரலானது.
இந்நிலையில் மஞ்சள் வீரன் படத்தில் இருந்து அப்படத்தின் கதாநாயகனும்., பிரபல யூடியூபருமான டிடிஎப் வாசன் நீக்கப்பட்டிருந்தார். படத்திற்கு ஒத்துழைப்பு தரவில்லை என்பதால் அவர் நீக்கப்பட்டுள்ளதாக இயக்குனர் செல் அம் தெரிவித்திருந்தார்.
மஞ்சள் வீரன் படத்தில் டிடிஎப் வாசனுக்கு பதிலாக நடிகர் கூல் சுரேஷ் படத்தின் கதாநாயகனாக நடிப்பார் என்ற தகவல் வெளியானது. தற்போது இந்த படத்திற்கான பூஜை இன்று போட பட்டு படப்பிடிப்பும் தொடங்கி இருக்கிறது. நடிகர் கூல் சுரேஷ் இந்த படத்தில் கதாநாயகனாக நடிப்பார் என்பதை படகுழு உறுதிபடுத்தி உள்ளது.
