டி.என்.பி.எஸ்.சி.குரூப் 2 தேர்வுக்கான இலவச பயிற்சி வகுப்புகள்; 8-ந் தேதி தொடக்கம்

தூத்துக்குடி மாவட்ட வேலை வாய்ப்பு மற்றும் தொழில்நெறி வழிகாட்டு மையம் வெளியிட்டுள்ள செய்தி குறிப்பில் கூறி இருப்பதாவது:-

டி.என்.பி.எஸ்..சி.குரூப் 2/2ஏ- 2024-ம் ஆண்டு  தேர்வுக்கான அறிவிப்பு தற்போது வெளியிடப்பட்டுள்ளது. மொத்த பணியிடங்களின் எண்ணிக்கை 2327(507+1820). தேர்வானது 14.9.2024 அன்று நடைபெறவுள்ளது.

மாவட்ட வேலைவாய்ப்பு மற்றும் தொழில் நெறி வழி காட்டும் மையத்தின் மூலமாக டி.என்.பி.எஸ்..சி.குரூப் 2/2ஏ. – 2024 தேர்விற்கான இலவச நேரடி பயிற்சி வகுப்புகள்  8.7.2024 திங்கள் கிழமை  தொடங்கப்பட உள்ளது. வகுப்புகள் காலை 10:30 மணி முதல் 1:30 மணி வரை நடைபெறும்.

பயிற்சி வகுப்புகளில் கலந்து கொள்ளும் மாணவர்களுக்கு தினந்தோறும் தேர்வுகள் நடைபெறும். குரூப் 2/2ஏ தேர்விற்கு தயாராகும் போட்டி தேர்வு ஆர்வலர்கள் இந்த பயிற்சி வகுப்புகளில் கலந்துகொண்டு பயன் பெறுமாறு கேட்டுக் கொள்ளப்படுகிறது. இலவச பயிற்சி வகுப்புகளில் கலந்து கொள்ள விருப்பமுள்ள  மாணவர்கள் கீழ்கண்ட கூகுள் படிவத்தை பூர்த்தி செய்யுமாறு கேட்டுக் கொள்ளப்படுகிறது

இவ்வாறு செய்தி குறிப்பில் கூறப்பட்டுள்ளது.