தமிழக ஜூனியர், சீனியர் மகளிர் ஹேண்ட்பால் அணிகளுக்கு  கோவில்பட்டி மாணவிகள் தேர்வு

திண்டுக்கல்  சேரன்  மெட்ரிக் வித்தியாலயா பள்ளியில் தமிழக ஜூனியர்  மகளிருக்கான ஹேண்ட்பால் அணி வீராங்கனைகள் தேர்வு நடைபெற்றது. இதில் தூத்துக்குடி மாவட்டத்தின் சார்பில் கோவில்பட்டி  நாடார் மேல்நிலைப் பள்ளியின் முன்னாள் மாணவி முருகஜோதி, , கே . ஆர் கலை மற்றும் அறிவியல் கல்லூரி மாணவி செ. லட்சுமி பிரியா ஆகியோர் தேர்வு செய்யப்பட்டுள்ளார்கள்.

இவர்கள் இருவரும் வரும் 22 முதல் 26  ஆம் தேதி வரை உத்தரபிரதேச மாநிலம் பரேலியில் நடைபெறவுள்ள தேசிய ஜூனியர் மகளிர் ஹேண்ட்பால் போட்டியில் பங்கேற்கிறார்கள்.

இதே போல் சேலம் மாவட்டம் மேச்சேரி மீனம்பர்க் மெட்ரிக் பள்ளியில் நடைபெற்ற தமிழக சீனியர் மகளிருக்கான ஹேண்ட் பால் அணி தேர்வு நடைபெற்றது. இதில் தூத்துக்குடி மாவட்டத்தின் சார்பில் கோவில்பட்டி கே . ஆர் கலை மற்றும் அறிவியல் கல்லூரி மாணவி சு . நந்தினி கலந்து கொண்டு தமிழ்நாடு மாநில அணிக்கு தேர்வு செய்யப்பட்டுள்ளார். 

இவர் வருகிற 15 முதல் 17 ஆம் தேதி வரை உத்தரபிரதேச மாநிலம் வாரணாசியில் நடைபெறவுள்ள தேசிய சீனியர் மகளிர் ஹேண்ட் பால் போட்டியிலும் கலந்து கொள்ளவுள்ளார். 

தமிழ்நாடு ஜூனியர் மற்றும் சீனியர் மகளிர் ஹேண்ட் பால் அணிக்கு தேர்வு பெற்ற மாணவிகளை  தூத்துக்குடி மாவட்ட ஹேண்ட்பால் சங்கத்தின் தலைவர் பரமசிவம் , செயலாளர் முத்துக்குமார் ,பொருளாளர் ரவி தாமஸ்  மற்றும் நிர்வாகிகள் பாராட்டினார்கள்.