10,12-ம் வகுப்பு தேர்வு முடிவுகள் 2௦-ந் தேதி வெளியாகிறது

2021-22-ம் கல்வியாண்டுக்கான 10-ம் வகுப்பு பொதுத்தேர்வு கடந்த மாதம் (மே) நடத்தி முடிக்கப்பட்டது. தேர்வு குறித்த அட்டவணை வெளியிடும்போதே, தேர்வு முடிவு ஜூன் 17-ந் தேதி (நாளை) வெளியிடப்படும் என்று அறிவிக்கப்பட்டு இருந்த நிலையில், 10-ம் வகுப்பு தேர்வு முடிவுகள் 20-ம் தேதிக்கு ஒத்தி வைக்கப்பட்டுள்ளது.
10 மற்றும் 12-ம் வகுப்பு பொதுத்தேர்வு முடிவுகள் ஜூன் 20- ம் தேதி வெளியாகும் என தெரிவிக்கப்பட்டுள்ளது. 10-ம் வகுப்பு தேர்வு முடிவுகள் திங்கள் கிழமை பகல் 12 மணிக்கு வெளியிடப்படுகிறது. 12-ம் வகுப்பு தேர்வு முடிவுகள் திங்கள் கிழமை காலை 9.30 மணிக்கு வெளியிடப்படுகிறது.
தேர்வு முடிவுகளை http://tnresults.nic.in, http://dge1.tn.nic.in, http://dge2.tn.nic.in, http://dge.tn.gov.in ஆகிய இணையதள பக்கங்களில் அறிந்துக் கொள்ளலாம்.
பள்ளிக் கல்வித்துறை அமைச்சர் அன்பில் மகேஷ் தேர்வு முடிவுகளை வெளியிடுகிறார். தமிழகம் முழுவதும் அனைத்து மையம் மற்றும் கிளை நூலகங்களிலும் தேர்வு முடிவுகளை அறிந்து கொள்ளலாம்.10 மற்றும் பிளஸ் 2 பொதுத்தேர்வு முடிவுகள் முதல் முறையாக ஒரே நாளில் வெளியிடப்படுவது குறிப்பிடத்தக்கது.