மந்தித்தோப்பு  சாலையை விரிவாக்கம் செய்யவேண்டும்;  கருத்துரிமை பாதுகாப்பு  கூட்டமைப்பு வலியுறுத்தல்

கோவில்பட்டி கருத்துரிமை பாதுகாப்பு கூட்டமைப்பின் சிறப்பு ஆலோசனைக் கூட்டம், கூட்டமைப்பின் செயலாளர் வழக்கறிஞர் பெஞ்சமின் பிராங்கிளின் தலைமையில்  கூட்டமைப்பு அலுவலகத்தில் நடைபெற்றது.

அமைப்பின் செயல்பாடுகள் மற்றும் புதிய நிர்வாகிகள் சம்பந்தமாக ஆலோசனைகள் குறித்து கூட்டமைப்பின் தலைவர் க தமிழரசன் உரையாற்றினார்.

தொடர்ந்து கூட்டத்தில் நிறைவேற்றப்பட்ட தீர்மானங்கள் வருமாறு:-

*கோவில்பட்டி நீதிமன்ற வளாகத்தில் ,பல்வேறு அரசு அலுவலகங்கள்  செயல்படுவதும் ,தினசரி ஆயிரக்கணக்கான பொதுமக்கள் வந்து  சென்றாலும் சாலை உட்பட எந்தவித அடிப்படை வசதிகளும் இல்லாதது சரி செய்யப்பட வேண்டும் 

  * கோவில்பட்டி மந்திதோப்பு  சாலையை விரிவாக்கம் செய்திட உடனடி நடவடிக்கை எடுக்க வேண்டும்.

* கோவில்பட்டி பசும்பொன் உ. முத்துராமலிங்க தேவர் தினசரி   சந்தையினை செயல்படுத்தி  நகராட்சிக்கு ஏற்படும் வருவாய் இழப்பை சரி செய்ய வேண்டும்.

*    திட்டங்குளம் பெருந்தலைவர் காமராஜர் சந்தை அருகில் விபத்தினை தடுத்திட, போக்குவரத்தை சீர்படுத்திட ரவுண்டானா அமைக்க வேண்டும்.

* சாலையோர வியாபாரிகளின் வாழ்வாதாரத்தை பாதுகாக்கும் வகையிலும், போக்குவரத்து மற்றும் பாதசாரிகள் எந்தவித பாதிப்பும்  இல்லாமலும் சாலையோர வியாபாரத்தை முறைப்படுத்த வேண்டும்.

* எப்பொழுதும் இல்லாத வகையில் தெரு நாய்களின் தொல்லைகள் அதிகமாக மேற்கண்டவை உள்பட  பல்வேறு தீர்மானங்கள் நிறைவேற்றப்பட்டது.