கோவில்பட்டி பூங்கா மேற்கு சாலை ஈமக்காரியம் செய்யும் இடத்தில் காத்திருப்பு கொட்டகை திறப்பு

கோவில்பட்டி பூங்கா மேற்கு சாலையில் சட்டமன்ற உறுப்பினர் தொகுதி மேம்பாட்டு நிதி ரூ.5 லட்சத்தில் ஈமக்காரியம் செய்யும் இடத்தில் பேவர் பிளாக் தரைத்தளம் மற்றும் சிறிய காத்திருப்பு கொட்டகை அமைக்கப்பட்டுள்ளது. 

இதன் திறப்பு விழா நடந்தது.முன்னாள் அமைச்சர் சட்டமன்ற உறுப்பினர் கடம்பூர் ராஜு கலந்து கொண்டு, பேவர் பிளாக் தரைத்தளம் மற்றும் சிறிய காத்திருப்பு கொட்டகை ஆகியவற்றை திறந்து வைத்து பார்வையிட்டார்.

ஒன்றிய அதிமுக செயலாளர்கள் பழனிச்சாமி,அழகர்சாமி,போடு சாமி,மாவட்ட மகளிரணி செயலாளர் பத்மாவதி,நகர அவைத்தலைவர் அப்பாசாமி,ஆவின் தலைவர் தாமோதரன்,நகர்மன்ற உறுப்பினர் கவியரசன் மற்றும் பலர் கலந்து கொண்டனர்.