சாதனை படைத்த ‘விண்ணை தாண்டி வருவாயா’: ரீ-ரிலீஸில் 1000 நாட்கள்
கவுதம் வாசுதேவ் மேனன் இயக்கத்தில் சிம்பு, திரிஷா நடிப்பில் மிகப்பெரிய வெற்றியை பதிவு செய்த திரைப்படம் விண்ணை தாண்டி வருவாயா. பின்னணியில் ஏ.ஆர் ரகுமான் இசை, திரையில் கார்த்திக் – ஜெஸியின் காதல் ரசிகர்களை.,படம் வெளியாகி 14 ஆண்டுகள் கழித்தும் கட்டி போட்டுள்ளது.2010-ம் ஆண்டு வெளியான இப்படம் இன்றும் காதலர்களின் விருப்ப படமாகவே நீடிக்கிறது.
திரைக்கு வந்த 14 ஆண்டுகளில் ஒவ்வொரு காதலர் தினத்தன்றும் சிறப்பு திரையிடலை கண்டு வருகிறது. முக்கியமாக, சென்னை அண்ணா நகரில் உள்ள பி.வி.ஆர் வி.ஆர் திரையில் ரீ-ரிலீஸில் இப்படம் இன்றுடன் 1000-வது நாளை கொண்டாடுகிறது. இந்த பி.வி.ஆர் வி.ஆர் திரையில் மட்டும் கடந்த 142 வாரங்களாக இப்படம் ஒரு காட்சியாவது திரையிடப்பட்டு வருகிறது. இந்தியளவில் ரீ-ரிலீஸில் அதிக நாள்களை கடந்த திரைப்படம் என்கிற சாதனையை பெற்றுள்ளது விண்ணைத்தாண்டி வருவாயா.
