அதிர்ச்சி புகைப்படங்களை வெளியிட்ட சுருதிஹாசன்

நடிகர் கமல்ஹாசனின் மகள் சுருதிஹாசன் தற்போது தெலுங்கில் பிரபாஸ் ஜோடியாக சலார் படத்தில் நடித்து வருகிறார். சிரஞ்சீவியுடன் நடித்துள்ள வால்டர் வீரய்யா பாலகிருஷ்ணாவுடன் நடித்துள்ள வீர சிம்மா ரெட்டி படங்கள் 2023 பொங்கலுக்கு வெளியாக உள்ளன.
நடிகை சுருதிஹாசன், தனது இன்ஸ்டாகிராம் பக்கத்தில் அடிக்கடி கிளாமர்புகைப்படங்களை வெளியிடுவது வழக்கம். இந்த நிலையில் நேற்று மேக்கப் இல்லாத சில புகைப்படங்களை வெளியிட்டு ரசிகர்களுக்கு அதிர்ச்சியை ஏற்படுத்தியிருக்கிறார்.
“பர்பெக்ட் ஆன செல்பிகள் மற்றும் பதிவுகள் நிறைந்த இந்த உலகத்தில், பைனல் கட் ஆக வராத சில உங்களுக்காக இதோ….
மோசமான ஹேர் நாள்,
ஜுரம் மற்றும் சைனஸ் காரணமாக முகம் வீங்கிய நாள்,
மாத விடாய் நாட்கள் மற்றும்… இன்ன பிற…
இவற்றையும் நீங்கள் ரசிப்பீர்கள் என நம்புகிறேன்,
விசித்திரமாக இரு…,”
இவ்வாறு குறிபிட்டு அந்த புகைப்படங்களுக்கான காரணத்தையும் பதிவிட்டுள்ளார்.
முன்னணி நடிகர்களுடன், பிரமாண்ட படங்களில் நடித்து வரும் சுருதிஹாசன் இப்படி வெளிப்படையான பதிவுகளையும், புகைப்படங்களையும் பதிவிட்டு ரசிகர்களை அதிர்ச்சி அடைய வைத்துள்ளார்,