சிவகார்த்திகேயனின் அமரன் – டிக்கெட் முன்பதிவில் அசத்தல்

சிவகார்த்திகேயன் தனது 21-வது படமாக கமல்ஹாசன் தயாரிப்பில் ராஜ்குமார் பெரியசாமி இயக்கத்தில் நடித்திருக்கிறார். அமரன் என பெயரிடப்பட்டுள்ள இப்படம் உண்மை சம்பவத்தின் தழுவலாக உருவாகியுள்ளது. படத்தின் பாடல்கள், ராணுவ பின்னணி என ரசிகர்களைக் கவர்ந்துள்ளதால் அக்டோபர் 31-ம் தேதி வெளியாகும் இப்படத்தின் மீது பெரிய எதிர்பார்ப்பு எழுந்துள்ளது. பயங்கரவாதிகளுக்கு எதிரான தாக்குதல்கள், சாய் பல்லவியுடான காதல் காட்சிகள் என டிரைலர் ரசிகர்களை கவர்ந்துள்ளது.

இந்நிலையில், இப்படத்திற்கான டிக்கெட்டுகள் முன்பதிவு வாயிலாக விறுவிறுப்பாக விற்பனையாகி வருகின்றன. தீபாவளி வெளியீடாக அமரனுடன் பிரதர், பிளடி பெக்கர், லக்கி பாஸ்கர் படங்கள் வெளியாகின்றன. ஆனாலும், அமரன் திரைப்படத்தை வெளியிடும் திரையரங்கள் ஹவுஸ்புல் ஆகி வருவது ஆச்சரியத்தை ஏற்படுத்தியுள்ளது. சிவகார்த்திகேயன் நடித்த படங்களிலேயே அமரன் படம் அதிக எதிர்பார்ப்புகளை ஏற்படுத்தியுள்ளது.