பாலூட்டும் தாய்மார்களுக்கு ஊட்டச்சத்து பெட்டகம் வழங்கல்

கோவில்பட்டி குழந்தை வளர்ச்சி பணிகள் திட்டம், கோவில்பட்டி ஜேசிஐ சார்பில் உலக தாய்ப்பால் வார நிறைவு விழா கோவில்பட்டி ஊராட்சி ஒன்றிய அலுவலக கூட்டரங்கில் நடந்தது.

தாய்ப்பாலின் அவசியம் குறித்து ஜேசிஐ சார்பில் கேட்கப்பட்ட கேள்விகளுக்கு பதிலளித்த தாய்மார்களுக்கு பரிசுகள் வழங்கப்பட்டது.தாய்மார்களுக்கு ஊட்டச்சத்து பானம்,மற்றும் பேரிச்சம்பழம்,கடலை மிட்டாய் உள்ளிட்ட ஊட்டச்சத்து பெட்டகம். வழங்கப்பட்டது.

விழாவிற்கு கோவில்பட்டி ஜேசிஐ தலைவர் வெங்கடேஷ் தலைமை தாங்கினார். பாரதியார் நினைவு அறக்கட்டளை தலைவர் முத்துமுருகன்,குழந்தைகள் வளர்ச்சித் திட்ட மேற்பார்வையாளர் பாலம்மாள் ஆகியோர் முன்னிலை வகித்தனர்.வட்டார ஒருங்கிணைப்பாளர் நிவேதா அனைவரையும் வரவேற்றார்.

வட்டார குழந்தைகள் வளர்ச்சிப் பணிகள் திட்ட அலுவலர் திலகா சிறப்பு விருந்தினராக கலந்து கொண்டு பாலூட்டும் தாய்மார்களுக்கு ஊட்டச்சத்து பெட்டகம்,விழிப்புணர்வு துண்டு பிரசுரங்கள் வழங்கி தாய்ப்பாலின் அவசியம் குறித்து பேசினார்.

ஜேசிஐ நிர்வாகிகள் தீபன்ராஜ்,சூர்யா, வர்ஷன்,தினகரன்,குழந்தைகள் வளர்ச்சித் திட்ட மேற்பார்வையாளர் பேச்சியம்மாள்  உள்பட பலர் கலந்து கொண்டனர்.முடிவில் குழந்தை வளர்ச்சித் திட்ட மேற்பார்வையாளர் முத்துமாரி நன்றி கூறினார்.