தமிழ் மொழிபெயர்ப்பு கவிதை நூல் வெளியீடு
முதுகுளத்தூர்.காம் சார்பில் துபாய் மாநகராட்சியின் ஊடகப்பிரிவு மேலாளர் இஸ்மாயில் மேலடி ஆங்கிலத்தில் எழுதிய நூல், ’புலம்பெயர் மணற்துகள்கள்’ என்ற பெயரில் தமிழில் திருப்பூரை சேர்ந்த எழுத்தாளர் சுப்ரபாரதிமணியன் மொழிபெயர்ப்பு செய்துள்ளார்.
இந்த நூல் வெளியீட்டு விழா சார்ஜா பேலஸ் உணவகத்தில் நடைபெற்றது. முஹிப்புல் உலமா கீழக்கரை ஏ.முஹம்மது மஹ்ரூப் தலைமை தாங்கினார். ஊடகவியலாளர் முதுவை ஹிதாயத் வரவேற்று பேசினார்.
கல்லிடைக்குறிச்சி தேசிய கல்வி அறக்கட்டளையின் தலைவர் முனைவர் ஆ. முகம்மது முகைதீன் மூலநூல் ஆசிரியர் இஸ்மாயில் மேலடி குறித்த அறிமுகவுரை நிகழ்த்தினார்.
திருச்சி ஜமால் முஹம்மது கல்லூரியின் ஓய்வு பெற்ற துணை முதல்வர் மற்றும் தமிழ்த்துறை தலைவர் முனைவர் பீ.மு. மன்சூர் ’புலம்பெயர் மணற்துகள்கள்’ கவிதை நூலை வெளியிட முஹம்மது மஹ்ரூப் பெற்றுக் கொண்டார். அப்போது பேசிய பேராசிரியர் மன்சூர், இஸ்மாயில் மேலடியின் சி்ந்தனைகள் தமிழில் வெளியிட்டிருப்பது மகிழ்ச்சியளிக்கிறது. அவரது கவிதைகள் அவலங்களை சுட்டுப் பொசுக்குவதாக அமைந்துள்ளது என்றார்.
அமீரக தமிழ் தொழில் முனைவோர் மற்றும் திறனாளர் கூட்டமைப்பின் தலைவர் டாக்டர் பால் பிரபாகர், இந்தியர் நலவாழ்வு பேரவையின் துணைத் தலைவர் பரமக்குடி ஏ.எஸ். இப்ராஹிம், குறும்பட இயக்குநர் சசி எஸ். குமார். இளையான்குடி அபுதாகிர், வழுத்தூர் ஜா. முஹையதீன் பாட்சா, மேலூர் பாலாஜி பாஸ்கர், ரோஹினி, காயல்பட்டணம் அஹமது சுலைமான், கீழை எஸ்.கே.வி. ஷேக், லதா ராமகிருஷ்ணன் உள்ளிட்ட பலர் நூலாய்வுரை வழங்கினர்.
சிறப்பு விருந்தினர்களுக்கு கல்லிடைக்குறிச்சி தில்ஷாத் பேகம் தொகுத்த துஆக்கள் குறித்த நூல் அன்பளிப்பாக வழங்கப்பட்டது. மேலும் பொன்னாடை அணிவித்து கவுரவிக்கப்பட்டனர்.
உம் அல் குவைன் கிராமிய பாடகர் ‘வணக்கம்’ என்ற பாடல் மூலம் அனைவருக்கும் தனது வாழ்த்துக்களை தெரிவித்தார்.
மூல நூல் ஆசிரியர் இஸ்மாயில் நன்றி கூறினார்.
இந்த நிகழ்ச்சி இலங்கை செம்மொழி எப்.எம். மூலம் நேரலையாக ஒலிபரப்பு செய்ய மவுலவி சுபையிர் அஹில் முஹம்மது ஏற்பாடு செய்திருந்தார்.
நிகழ்ச்சியில் வி.களத்தூர் உமர் பாரூக், மலையாள எழுத்தாளர்கள் உள்ளிட்ட பலர் பங்கேற்றனர்.
