கோவில் கோபுரம்/ விமானம் பற்றிய விளக்கம்

கோவில் கோபுரம் , விமானம் இரண்டுக்கும் வேறுபாடு என்ன? என்பது பற்றிய விளக்கம்இங்கே காணலாம்.

கோவில்  என்பதை படுத்திருக்கும் ஒரு மனிதனின் உடலாக எண்ணிக் கொள்ள வேண்டும்.  இதனையே  திருமந்திரத்தல் திருமூலர்  ” மானிடர் ஆக்கை சிதம்பரம் “என்பார்

மனிதனின் தலை கழுத்து மார்பு, தொப்புள், கால்கள், பாதங்கள் இப்படி யாக கோவிலின்  கர்ப்பக் கிரகம் முதல் ராஜகோபுரம் வரை உள்ளன,

கருவரை  விமானம் = தலை

அர்த்த மண்டபம்  = கழுத்து

மகாமண்டபம்  = மார்பு ( இங்குதான் இதய துடிப்பு இருப்பது போல் நடராஜர் நடனமாடும் சன்னதி  அமைக்கப்பட்டிருக்கும்

கொடிமரம் = தொப்புள்

ராஜகோபுரம் = பாதங்கள்

இப்படி இறைத்திருமேனியாக இருக்கும் கோவிலில் கருவரையில் மேல் விமானம் உள்ளது. மானம் என்றால் அளவு வி / என்றால் கடந்தது எனவே அளவுகடந்த தெய்வீக சக்தி கொண்டது விமானம்

கோபுரம் = கோ+ புரம் , கோ என்றால் இறைவன்,  புரம் என்றால் இரு்ப்பிடம் எனவே கோபுரம் என்பது இறைவன் இருப்பிடம்  அதனால் தான் எங்கிருந்து பார்த்தாலும் கோ புரம் தெரியும், கோ புரத்தை உயரமாக அமைத்துள்ளார்கள்

இதனால்தான் கோபுர தரிசனம் கோடி புண்ணியம் என்னும் சொல் வழக்கு உள்ளது.